Ar font debarzhadur

Ar font debarzhadur Bretagne numérique a zo dezhañ da gefridi arc’hantaouiñ, war-eeun pe dre aozadurioù hep pal arc’hantus, oberoù a laz hollek evit lakaat war wel, ijinañ pe aesaat diorren taolioù intrudu hag a grou talvoudoù evit Breizh er bed niverel.

Diazezet eo bet ar font debarzhadur bretagnenumerique.bzh gant ar gevredigezh WWW.BZH, a zo marilh merañ an astenn internet .bzh. Dre zileuriadur an ICANN, aozadur karget da reoliñ Internet e par ar bed, e ra war-dro merañ ha brudañ an tiriad niverel-se gouestlet da Vreizh, d’he sevenadur ha d’he yezhoù. Diwar intrudu ar gevredigezh ivez ez eus bet roet lañs d’ar c’houlzad #EmojiBZH a zo dezhañ da bal emplementañ emoji banniel Breizh war ar 5,4 miliard a poellgomzerioù a zo er bed.

bretagne numérique ar font debarzhadur .BZH

Filer ar font debarzhadur

Arc’hantaouiñ a ra ar font debarzhadur obererezhioù sokial, teknologel ha sevenadurel pe degas a ra e skoazell dezho neuze, hag int bodet en-dro da 3 filer : identelezh, deskadurezh, kengred

AN IDENTELEZH

Diorren ha talvoudekaat ar vreizhadelezh er bed niverel. Ambroug a ra ar font bretagnenumerique.bzh an oberoù hag ar raktresoù a lakao da skediñ kumuniezh Breizh koulz hag ar raktresoù a vo aesaet hec’h etreoberoù ganto.

AR C’HENGRED

Tennañ gounid eus degouezhioù an niverel evit sevel pe adsevel liammoù sokial ha kengred e Breizh. Kemer a ra perzh ar font bretagnenumerique.bzh e gwiadiñ rouedad sokial niverel Breizh.

AN DESKADUREZH

Skoazellañ a ra ar font bretagnenumerique.bzh ar raktresoù desavadurel e ster leun ar ger.

DIWAR-BENN AR FONT DEBARZHADUR

Diazezet eo bet ar font debarzhadur bretagnenumerique.bzh gant ar gevredigezh Point BZH, a zo marilh merañ an astenn internet .bzh. Gant an astenn e c’heller kefluniañ chomlec’hioù lec’hiennoù internet gant livioù Breizh.

Ar c’huzul-merañ

Meret eo ar font debarzhadur gant ur c’huzul-merañ 7 ezel ennañ, hiniennoù pe dudelezhioù : David Lesvenan (prezidant), Stéphanie Stoll (besprezidant), Eric Vighetti (sekretour), Serge Appriou (teñzorour), , Pierre Bouton ha Jakez Bernard.